అయ్యో ! నా క్రైస్తవ్యంపై దాడి జరుగుతుంది
ఒక క్రైస్తవుడిగా నేనేమైనా చేయాలి అన్న
నీ హృదయ అభిలాషకు నా ప్రశ్నలు ...
మొదట
ఒక క్రైస్తవుడిగా చేయాల్సిన పనులు చేస్తున్నావా?
ఒక క్రైస్తవుడిగా మారుమనుస్సుకు తగిన ఫలములు ఫలిస్తున్నవా?
ఒక క్రైస్తవుడిగా ప్రార్ధనలో దేవుడితో కన్నీటితో మొఱ్ఱపెడుతున్నావా?
ఒక క్రైస్తవుడిగా దేవుని వాక్యాన్ని ధ్యానించి పాటిస్తున్నావా?
ఒక క్రైస్తవుడిగా సంఘములో బాధ్యతాయుతముగా వుంటున్నావా?
ఒక క్రైస్తవుడిగా నీ కుటుంబమును దేవునిలో ఎదిగిస్తున్నావా?
ఒక క్రైస్తవుడిగా నీవు క్రీస్తు స్వరూప్యములోకి మారుతున్నవా?
ఒక క్రైస్తవుడిగా నీ సిలువనెత్తుకొని క్రీస్తుని వెంబడిస్తున్నవా?
మొదట ఒక క్రైస్తవుడిగా చేయాల్సిన పనులు చేసి
అటు తరువాత బైబిల్ సూచనల మేరకే స్పందిచాలి
క్రీస్తు కొరకు జీవించడమంటే ....
క్రీస్తుకు వ్యతిరేకముగా మాట్లాడుతున్నవారిని దూషించడం కాదు,
క్రీస్తు తో సాన్నిహిత్య సంబంధం కలిగి జీవించటం
క్రీస్తు జీవితంలో లేకుండా క్రీస్తు కోసం చేసేవన్నీ వ్యర్థమే
మీరెవరో నాకు తెలియదు అని క్రీస్తు చెప్పుతాడు అని తెలియదా?
సరే ! క్రీస్తుతో నా అనుదిన సంబంధం బాగుంది ,
నేనెలా స్పందించాలి అని తెలుసుకోవాలనుకుంటున్నావా?
నేను మీతో చెప్పునదేమనగా దుష్టుని ఎదిరింపక,
నిన్ను కుడిచెంపమీద కొట్టువాని వైపునకు ఎడమచెంపకూడ త్రిప్పుము.
మత్తయి 5 .39
నేను మీతో చెప్పునదేమనగా, మీరు పరలోకమందున్న మీ తండ్రికి
కుమారులై యుండునట్లు మీ శత్రువులను ప్రేమించుడి.
మిమ్మును హింసించు వారికొరకు ప్రార్థన చేయుడి. మత్తయి 5 .44
పేతురు చెరసాలలో ఉంచ బడెను, సంఘమయితే అతనికొరకు
అత్యాసక్తితో దేవునికి ప్రార్థనచేయుచుండెను. అపో కార్యములు 12 .5
అయితే పౌలు వారు న్యాయము విచారింపకయే రోమీయులమైన
మమ్మును బహిరంగముగా కొట్టించి చెరసాలలోవేయించి,
యిప్పుడు మమ్మును రహస్యముగా వెళ్లగొట్టుదురా? మేము ఒప్పము;
వారె వచ్చి మమ్మును వెలుపలికి తీసుకొని పోవలెనని చెప్పెను.
అపో కార్యములు 16 .37
(పౌలు గారు ప్రశ్నించాడు .. కానీ బూతులు, పోకిరి మాటలు వాడలేదు)
క్రీస్తు బోధ, అపొస్తలుల స్పందన మరియు ఆది సంఘము యొక్క విధానము
మనకు ఒక సమతుల్య విధానాన్ని తెలియజేస్తుంది.
క్షమించాలి, ప్రార్థించాలి , సహించాలి, ప్రేమించాలి, ప్రశ్నించాలి,....
అన్ని పరిశుద్ధాత్మ అధీనములో, వాక్యపు పరిధిలో,
సంఘాలు కలిసి ప్రణాళిక బద్ధముగా వ్యవహరించాలి.
No comments:
Post a Comment